Selayeru Paduthunte Lyrics | Djshiva Vangoor

Selayeru Paduthunte Lyrics | Djshiva Vangoor |Lyrics

Singer	Djshiva Vangoor, Srinidhi
Composer	Kalyan Keys
Label	Djshiva Vangoor
Song Writer	Mahender Mulkala

Lyrics

సెలయేళ్ళు పాడుతుంటే ఓ పిల్ల

ఎరగులూగుతుండే లోలోన

నదులన్నీ కలిసినట్టు ఓ పిలగ

నవ్వెంత బాగున్నదీ నీలోన

గాజుల సప్పులు ఘల్ ఘల్ మోగంగా

గజ్జెల పట్టీలు గంతేసి ఆడంగా

వరిగడ్డి మోపు ఎత్తి ఓ పిల్ల

వయ్యారి నడుమూపవే ఈ వేళ

సిగ్గు సింగారాలు సిలుకుతున్నట్టుగా

ముద్దు మందారాలు పలుకుతున్నట్టుగా

మాయా మాటలు పలుకకు ఓ పిలగా

మా అన్నలొస్తున్నరు తోవల్ల

సెలయేళ్ళు పాడుతుంటే ఓ పిల్ల

ఎదగూళ్ళుగుతున్నయే లోలోన

పచ్చ జొన్నల కంకులు ఓ పిల్ల

పాలొంచి వంగినయ్యి సేనంత

రామసిలకల సూపులూ చాలింక

రత్నాల బొమ్మనైతి మా ఇంట

వెయ్యంచు పువ్వుల్లో వెలిగింది నీ రూపు

దీపాల కాంతుల్లో దరిచేరు నా వైపు

జోడెడ్ల బండి కట్టీ ఓ పిల్ల టెన్ టు ఫైవ్

జోరుగ ఎక్కిస్తనే ఈ వేళ

ముసిముసి నవ్వింది మురిపాల జాబిల్లి

మదిలోన పూసింది మందార సిరిమల్లి

మరుగు మాటల వాడివే ఓ బావ

మా వదినలొస్తున్నరు తోవల్ల

బాయిగడ్డన పూసినై ఓ పిల్ల

బంగారు కుసుమ పూలు నిండుగా

పూసిన పున్నమోలే నేనున్న

బంగారు బొమలెందుకోయ్ నాకింకా

కారెండ పడవీలో కస్తూరి రంగాయే

వెండీ కొండలమీన వెలుగన్న లేదాయే

నెమలి కన్నుల దానివే ఓ పిల్ల

నెలవంక తీరున్నవే ఈ వేళ

నల్ల కలువల మీద నాటు తుమ్మెదవోలే

అడవి మల్లెలమీద ఆ చంద్రవంకోలే

కొంటే చూపుల వాడివే ఓ బావ

కోడళ్ళు వస్తున్నరు తోవల్ల

పొద్దుతిరుగుడు పువ్వులా ఓ పిల్ల

పొద్దంతా నిను చూస్తనే తొవ్వల్ల

సింగిడి రంగులల్లా పూసేటి

సిరి జొన్నకంకినైతి తోటల్లా

చినుకమ్మ మెరుపమ్మ చినబోయినట్టుంది

చలిమంట గిలిమంట ఎదలోన రగిలింది

చిలుక గోరింకవోలే కూడుండి

చితి మీద తోడొస్తనే ఓ పిల్ల

పాల ముత్యాలన్ని పరువాలు పలుకంగా

పండు వెన్నెల వచ్చి పందిళ్లు వేయంగా

మొగిలి పువ్వుల వాడివే ఓ బావ

మనువాడి కలిసుంటనే నీ తోడ

మొగిలి పువ్వుల వాడివే ఓ బావ

మనువాడి కలిసుంటనే నీ తోడ

Selayeru Paduthunte Lyrics | Djshiva Vangoor